Samur-Abşeron su kanalında batan gəncin meyiti sudan çıxarılıb
Bakı, 21 iyul, AZƏRTAC
Fövqəladə Hallar Nazirliyinin (FHN) 112 - qaynar telefon xəttinə Samur-Abşeron su kanalının Abşeron rayonunun Ceyranbatan qəsəbəsi ərazisindən keçən hissəsində bir nəfərin suda batması barədə məlumat verilib.
FHN-in mətbuat xidmətindən AZƏRTAC-a bildiriblər ki, dərhal hadisə yerinə cəlb olunan Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri axtarış işlərinə başlayıblar. Nəticədə 1998-ci il təvəllüdlü Nurəlizadə Güləli Emin oğlunun meyiti sudan çıxarılaraq aidiyyəti üzrə təhvil verilib.
Bölmənin digər xəbərləri
