“Səbail” futbol klubu müdafiəçi Maudo Jarjue ilə yollarını ayırıb
Bakı, 19 iyun, AZƏRTAC
“Səbail” klubu daha bir futbolçu ilə yollarını ayırıb.
AZƏRTAC xəbər verir ki, Azərbaycanı UEFA Avropa Liqasında təmsil edəcək klub müdafiəçi Maudo Jarjue ilə vidalaşıb.
M.Jarjue 2017-ci ildən “Səbail” klubunun formasını geyinib. O, paytaxt təmsilçisinin heyətində 50 oyunda meydana əsas heyətdə çıxıb.
“Səbail” UEFA Avropa Liqasının birinci təsnifat mərhələsində Rumıniyanın “Kraivo” komandası ilə üz-üzə gələcək. İlk oyun iyulun 11-də Bakıda, cavab görüşü iyulun 18-də Krayovada keçiriləcək.
Bölmənin digər xəbərləri
