Səbail rayon kitabxanaları Dünya Turizm Gününə hazırlaşır
Bakı, 23 sentyabr (AZƏRTAC). Səbail Rayon Mərkəzləşdirilmiş Kitabxana Sistemində (MKS) 27 sentyabr - Dünya Turizm Günü münasibətilə silsilə tədbirlər keçiriləcəkdir.
Bakı Şəhər Mədəniyyət və Turizm İdarəsindən AZƏRTAC-a bildirmişlər ki, bu əlamətdar gün münasibətilə sentyabrın 27-də Səbail rayon MKS-in mərkəzi kitabxanasında “Bakı şəhərinin tarixi”, 3 nömrəli filialında “Dünya Turizm Günü” mövzusunda məruzə dinləniləcəkdir. MKS-nin 1 və 2 nömrəli filiallarında müvafiq olaraq “Doğma diyarımız”, “Şən səyahət” mövzularında sərgilər, 4 və 6 nömrəli filiallarında isə oxucularla müvafiq olaraq “Bibiheybət qəsəbəsi və onun tarixi” və “Dünya ölkələri” mövzularında söhbət aparılacaqdır.
Bölmənin digər xəbərləri
