Şəhid Etibar Bəkirova məxsus materiallar Tarix Muzeyinin Vətən müharibəsi fondunda
Bakı, 9 sentyabr, AZƏRTAC
Birinci Qarabağ müharibəsi şəhidi Etibar Bəkirova aid materiallar - hərbi geyim, rəngli fotoşəkil, onun haqqında qəzetlərdə dərc olunan məlumatlar və s. Milli Azərbaycan Tarixi Muzeyinin Vətən müharibəsi fondunda qorunur.
Bu barədə AZƏRTAC-a muzeydən məlumat verilib.
E.Bəkirov 1964-cü ildə Bakı şəhərində anadan olub. O, 1971-1981-ci illərdə Suraxanı rayonu Qaraçuxur qəsəbəsində 104 nömrəli tam orta məktəbdə təhsil alıb. Etibar Bəkirov Azərbaycan Milli Ordusunda hərbi xidmətdə olub və Birinci Qarabağ müharibəsində düşmənə qarşı fədakarlıqla döyüşüb, 1994-cü ildə qəhrəmancasına şəhidlik zirvəsinə ucalıb.
Bölmənin digər xəbərləri
