ŞƏHRİYAR MƏMMƏDYAROV “FİNET OPEN” TURNİRİNDƏ LİDERLƏR SIRASINDADIR
Bakı, 31 iyul (AZƏRTAC). Azərbaycan şahmatçısı Şəhriyar Məmmədyarov Mayntsda şahmat festivalı çərçivəsində keçirilən “FİNet Open” turnirində liderlər sırasındadır.
Beş turdan sonra Ş.Məmmədyarov, Qata Kamski (ABŞ), Vladimir Malaxov (Rusiya) və Sergey Movsesyan (Slovakiya) hərəyə 5 xalla turnir cədvəlinə başçılıq edirlər.
Vüqar Həşimov isə 4 xalla əlavə göstəricilərinə görə 33-cü pilləni tutur.
Digər şahmatçılarımızdan Namiq Quliyev və Sərxan Həşimov müvafiq olaraq 59 və 96-cı yerlərdə qərarlaşmışlar.
Bölmənin digər xəbərləri
