ŞƏHRİYAR MƏMMƏDYAROV VASİLİ İVANÇUKLA DA “SÜLH” BAĞLADI
Bakı, 24 aprel ( AZƏRTAC). Nalçikdə keçirilən FİDE-nin Qran-pri
turnirində artıq 8 tur oynanılmışdır.
Azərbaycan şahmatçısı Şəhriyar Məmmədyarov ukraynalı qrossmeyster Vasili İvançukla görüşdən “sülh”lə ayrılmışdır. Bu, həmyerlimizin turnirdə sayca altıncı heç-heçəsidir. Hazırda o, turnir cədvəlində 7-ci pillədə qərarlaşmışdır.
Digər qarşılaşmalar belə nəticələnmişdir: Qata Kamski- Pavel Eljanov 0:1, Rüstəm Kasımcanov- Boris Gelfand 0:1, Levon Aronyan- Peter Svidler 0,5:0,5, Peter Leko- Etyen Bakro 0,5:0,5, Vladimir Akopyan - Yevgeni Alekseyev 0,5:0,5, Sergey Karyagin- Aleksandr Qrişuk 0,5:0,5.
Bölmənin digər xəbərləri
