Şəkidə çaqqal sakinlərə hücum edib: 4 nəfər xəsarət alıb VİDEO
Şəki, 11 sentyabr, AZƏRTAC
Şəki şəhərinin M.Ə.Rəsulzadə prospektində avtomobilin altında gizlənən çaqqal qəfildən ərazidəki sakinlərə hücum edib.
AZƏRTAC-ın bölgə müxbiri xəbər verir ki, hadisə nəticəsində şəhər sakinləri - 71 yaşlı Oktay Əliyev, 71 yaşlı Töhvə Məmmədova, 61 yaşlı Reyhanə Muxtarova və 36 yaşlı Sənan Əmirli müxtəlif dərəcəli bədən xəsarətləri alıblar.
Yaralılar dərhal Şəki Rayon Mərkəzi Xəstəxanasının Təcili tibbi yardım şöbəsinə hospitalizasiya olunublar.
Xəstəxanadan verilən məlumata görə, pasiyentlərə bədənin müxtəlif nahiyələrinin açıq yarası diaqnozu qoyulub, quduzluq əleyhinə və zəruri tibbi xidmətlər göstərilib. Vəziyyətləri orta-stabil qiymətləndirilən şəxslər ambulator müalicə üçün evə buraxılıblar.
Müxbir - Rasim İslamoğlu
Bölmənin digər xəbərləri
