SƏNAYEDƏ 40,5 FAİZ ARTIM MÜŞAHİDƏ OLUNMUŞDUR

02.10.2006 [11:53]
Çap et
A⁺ A^-

Dövlət Statistika Komitəsindən AZƏRTAC-a bildirmişlər ki, cari ilin yanvar-avqust aylarında ölkə sənayesində 8,4 milyard manatlıq və ya əvvəlki ilin müvafiq dövründəkindən 40,5 faiz çox sənaye məhsulu istehsal edilmiş və xidmətlər göstərilmişdir.

Bu dövrdə neft hasilatında 50,4 faiz, neft emalında 10,7 faiz, kimya sənayesində 23,8 faiz, metallurgiya sənayesi və hazır metal məmulatların istehsalında 6,7 faiz, mebel sənayesində 31,3 faiz, qida məhsullarının istehsalında 4,9 faiz, maşın və avadanlıqların istehsalında 34,5 faiz artım müşahidə olunmuşdur.

Sənaye istehsalının 95 faizi malların, 5 faizi isə xidmətlərin payına düşmüşdür. Sənaye məhsulunun 25 faizi dövlət müəssisələrində, 75 faizi isə özəl bölmədə istehsal edilərək, müvafiq olaraq 4,6 və 58,6 faiz çoxalmışdır.

İşçilərin orta aylıq nominal əmək haqqı 29,4 faiz artaraq, 267 manata çatmışdır.

Ən yüksək orta aylıq əmək haqqı mədənçıxarma sənayesi, nəqliyyat avadanlıqlarının istehsalı, neft emalı, habelə metallurgiya, digər qeyri-metal mineral maddələrin istehsalı və kimya sənayesi müəssisələrində qeydə alınmışdır.

SƏNAYEDƏ 40,5 FAİZ ARTIM MÜŞAHİDƏ OLUNMUŞDUR

MÜƏLLİFLƏ ƏLAQƏ

Bölmənin digər xəbərləri