Serbiya parlamentinin sədr müavini: Seçki prosesi yüksək səviyyədə təşkil olunmuşdu
Bakı, 12 aprel, AZƏRTAC
Azərbaycanda prezident seçkiləri azad və ədalətli şəkildə keçirilib. Seçicilərə hər hansı təzyiq müşahidə olunmayıb. Seçki prosesinin tam qanunauyğun şəkildə keçməsi münasibətilə Azərbaycan xalqını təbrik edirəm.
AZƏRTAC xəbər verir ki, bu fikirləri Azərbaycanda 11 aprel prezident seçkilərini müşahidə edən Serbiya parlamentinin sədr müavini Verolyub Arsiç Bakıda keçirdiyi mətbuat konfransında bildirib. O qeyd edib ki, məntəqələrdə apardıqları müşahidələr zamanı hər hansı problemin şahidi olmayıblar. Proses yüksək səviyyədə təşkil olunmuşdu. Ümumiyyətlə, seçkilər beynəlxalq standartlara uyğun şəkildə keçirilib.
Bölmənin digər xəbərləri
