SƏRGİNİN TƏŞKİLATÇILARI MƏTBUAT KONFRANSI KEÇİRMİŞLƏR
Sərginin təşkilatçıları Azərbaycan Ticarət və Sənaye Palatasının vitse-prezidenti Mehman Əhmədov, İTE Group şirkətinin Mərkəzi Asiya və Qafqaz üzrə baş direktoru Eduard Stroon, “Tikinti”, “Mebel, interyer və dizayn” və “Daşınmaz əmlak” sərgilərinin meneceri Yana Sapunova bildirmişlər ki, bu il sərgilərdə 20 ölkədən 210 şirkət iştirak edir, ekspozisiyanın sahəsi 35 faiz artırılmışdır. İştirakçı şirkətlərin 40 faizi ölkə bazarına ilk dəfə daxil olur. Onların arasında Fransa, Sloveniya və Koreya şirkətləri də var. Finlandiya və Polşa da milli pavilyonlarını açacaqlar. Türkiyənin 40-dək şirkəti məhsul və xidmətlər nümayiş etdirəcək, meydanın təxminən 65 faizini isə yerli şirkətlər tutacaqlar.
Sərgiyə gələnlərə tikinti və tamamlama materialları, avadanlıq - pəncərə və qapılar, keramika və santexnika, qızdırıcılar və ventilyasiya, döşəmə və taxtapuş materialları, mənzillərin və xidməti binaların tikintisi və təmiri üçün zəruri olan kompleks materiallar mümayiş etdiriləcəkdir. Mebel sərgisinə 7 ölkədən 22 şirkət öz məhsulunu göndərmişdir.
Açılış oktyabrın 11-də Heydər Əliyev adına İdman-Konsert Kompleksində olacaqdır.
Bölmənin digər xəbərləri
