Səudiyyə Ərəbistanı Misirdə meqa-şəhər inşa edəcək
Qahirə, 6 mart, AZƏRTAC
Səudiyyə Ərəbistanı Misir ərazisində meqa-şəhər inşa edəcək.
AZƏRTAC yerli KİV-ə istinadla xəbər verir ki, bu barədə Səudiyyə Ərəbistanın şahzadəsi Məhəmməd ibn Salman əl-Səud Misirə səfəri zamanı ölkə başçısı Əbdül Fəttah əs-Sisi ilə görüşdən sonra bəyanat verib.
Qeyd olunur ki, şəhər Sinay yarımadasının cənubunda salınacaq. Layihənin həyata keçirilməsinə 10 milyard dollar ayrılacaq.
Şahzadənin Misirə səfəri çərçivəsində iki ölkə arasında əməkdaşlıq haqqında bir sıra ikitərəfli müqavilələr və memorandumlar imzalanıb. İmzalanan sənədlər müxtəlif birgə layihələrin həyata keçirilməsini, o cümlədən iqtisadiyyat, ətraf mühitin qorunması və digər sahələrdə əməkdaşlıq məsələlərini əhatə edir. İki ölkə arasındakı investisiya sahəsində əməkdaşlıq müqaviləsi çərçivəsində ümumi həcmi 16 milyard dollarlıq müştərək Misir-Səudiyyə Ərəbistanı İnvestisiya Fondunun yaradılması planlaşdırılır.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
