Seysmoloji Xidmət Mərkəzinin əməkdaşları vebinarda iştirak ediblər
Bakı, 27 oktyabr, AZƏRTAC
ABŞ-ın “Kinemetrics” şirkəti tərəfindən tərəfdaş ölkələrin seysmoloji mərkəzlərinin əməkdaşları üçün növbəti vebinar keçirilib.
Vebinarda Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələlərin tədqiqatı bürosunun rəisi, Yer Elmləri üzrə fəlsəfə doktoru Səidə İsmayılova, büro rəisinin müavini Ruqiyyə Kərimova, büronun mühəndis-proqramlaşdırıcısı Yeganə Muradova və büronun əməkdaşı Güllü Məhərrəmova iştirak ediblər.
Bu barədə AZƏRTAC-a mərkəzin informasiya şöbəsindən məlumat verilib.
Bildirilib ki, vebinarda “Kinemetrics” şirkətinin vitse-prezidenti, Açıq sistemlər və xidmətlər şöbəsinin rəhbəri Mathias Franke “Buludda seysmik şəbəkə” mövzusunda məruzə ilə çıxış edib. Daha sonra iştirakçıları maraqlandıran suallara aydınlıq gətirilib.
Bölmənin digər xəbərləri
