Səyyah: Bu səfər Azərbaycanın turizm potensialı ilə tanış olmaq baxımından gözəl fürsətdir
Şuşa, 2 may, Səlim Rəhimzadə, AZƏRTAC
Səfər yüksək səviyyədə təşkil olunub. Bu səfər Azərbaycanın turizm potensialı, bu ərazilərdə yeni tikililər, ümumiyyətlə, şəhərlərdə aparılan bərpa və yenidənqurma işləri, yeni hava limanları ilə tanış olmaq baxımından gözəl fürsətdir.
Bu sözləri AZƏRTAC-a müsahibəsində Norveçin beynəlxalq səyahətçilərdən ibarət “Vagaclub”un üzvü olan İlis Rezvold deyib.
O bildirib ki, bütün bunlar həm turist cəlb etmək baxımından ölkə iqtisadiyyatı üçün faydalıdır, həm də bu ərazilərə səfər etməyin təhlükəsiz olduğunu nümayiş etdirir. “Səhər Füzuliyə səfər etdik, indi isə gözəl Şuşadayıq. Bu səfər, həmçinin ölkənizin mədəniyyəti və milli mətbəxi ilə də tanış olmaq baxımından gözəl imkandır”, - deyə səyyah əlavə edib.
Bölmənin digər xəbərləri
