Şimali Qafqaz və Azərbaycan kurortları arasında əməkdaşlıq inkişaf edir
Moskva, 7 dekabr, AZƏRTAC
Turniketdən xizək stansiyasının ərazisinə keçməyə imkan verən vahid maqnit kartları Şimali Qafqaz Azərbaycan kurortlarını birləşdirə bilər.
AZƏRTAC TASS agentliyinə istinadla xəbər verir ki, “Şimali Qafqaz kurortları” şirkətinin baş direktorunun müavini Rüstəm Tapayev bu xəbəri “Qafqaza sərmayə qoy” mövzusunda biznes forumda elan edib.
O deyib: “Biz bütün Qafqaz dağlarında böyük bir turizm klasteri formalaşdırmaqla məşğuluq. Biz daha da inkişaf etməyi, vahid təqvimlər tərtib etməyi, vahid “sky-pass” da daxil olmaqla turistlərlə qarşılıqlı fəaliyyətdə olmağı nəzərdə tuturuq”.
“Qafqaza sərmayə qoy” mövzusunda üçüncü biznes-forum dekabrın 6-7-də Qroznıda keçirilir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
