Sinqapur sahillərində iki neft tankeri yanıb
Bakı, 19 iyul, AZƏRTAC
Sinqapurun Pedra Branka adasından 55 kilometr şimal-şərqdə iki neft tankeri yanıb.
AZƏRTAC xəbər verir ki, bu barədə “Bloomberg” agentliyi Sinqapurun Dəniz və Liman İdarəsinə istinadən məlumat yayıb .
Məlumatda qeyd edilib ki, tankerlər Sinqapur, San-Tome və Prinsipi bayraqları ilə üzürmüş.
Hazırda Sinqapur Hərbi Dəniz Qüvvələrinə məxsus gəmi və hərbi helikopterin cəlb olunduğu axtarış-xilasetmə əməliyyatı davam edir. Səlahiyyətlilər kömək üçün yoldan keçən gəmilərə müraciət ediblər.
Qeyd olunur ki, hadisə Çin, Yaponiya və Koreya Respublikasını Yaxın Şərq və Avropa ilə birləşdirən ən işlək gəmiçilik marşrutlarından birində baş verib.
Bölmənin digər xəbərləri
