Şirvan Milli Parkında qanunsuz ov edənlər saxlanılmışlar
Bakı, 9 yanvar (AZƏRTAC). Yanvarın 9-da Ekologiya və Təbii Sərvətlər Nazirliyinin əməkdaşları tərəfindən “Ovçuluq haqqında” Azərbaycan Respublikası Qanununun tələblərinə əməl olunması vəziyyətinin araşdırılması, qanunsuz ov edilməsi hallarının qarşısının alınması məqsədi ilə Şirvan Milli Parkı ərazisində növbəti reyd keçirilmişdir.
Nazirliyin mətbuat xidmətindən AZƏRTAC-a bildirmişlər ki, reyd zamanı qanunsuz ov edən Salyan rayon sakinləri saxlanılmış və onlardan 3 ədəd ov tüfəngi, 1 ördək və adı Azərbaycan Respublikasının “Qırmızı kitab”ına düşmüş 2 turac quşu götürülmüşdür.
Faktla bağlı təqsirkar şəxslər barəsində müvafiq akt və protokol tərtib edilərək inzibati qaydada ümumilikdə onlara 4500 manat məbləğində cərimə tətbiq olunmuş, təbiətə dəymiş ziyanla bağlı 2000 manat məbləğində iddia qaldırılmışdır.
Bölmənin digər xəbərləri
