“Şirvanoyl” Məhdud Məsuliyyətli Müəssisəsi neft hasilatı və təhvili üzrə yanvar–fevral ayları üçün müəyyən edilmiş proqnozları artıqlaması ilə yerinə yetirmişdir.

Dövlət Neft Şirkətinin istehsalat şöbəsindən AZƏRTAC-ın müxbirinə bildirmişlər ki, müəssisə iki ay ərzində 40 min 420 ton əvəzinə 41 min 938 ton neft hasil etmişdir ki, bu da tapşırığa 103,8 faiz əməl etmək deməkdir.