Somalinin paytaxtında partlayış nəticəsində azı 25 nəfər həlak olub
Bakı, 1 mart, AZƏRTAC
Somalinin paytaxtı Moqadişoda baş verən partlayış və atışma nəticəsində azı 25 nəfər həlak olub, 35 nəfər isə yaralanıb.
AZƏRTAC xəbər verir ki, Mareeq portalının yaydığı məlumata görə, terrorçu-kamikadze idarə etdiyi minalanmış avtomobili çoxsaylı mağaza və iaşə obyektlərinin yerləşdiyi Maka-Əl-Mukaram küçəsində “Hilac UK” otelinin restoranının yaxınlığında partladıb. Bundan sonra silahlılar binaya hücum ediblər.
Hazırda partlayışın baş verdiyi ərazidə intensiv atışma səsləri eşidilir. Silahlılar binanın bir hissəsinə nəzarəti əllərində saxlayır.
Hücumun məsuliyyətini ölkədə fəaliyyət göstərən “Əş Şabab” qruplaşması üzərinə götürüb.
Bölmənin digər xəbərləri
