SON BİR İLDƏ İRAQDA 25 JURNALİST HƏLAK OLMUŞDUR
AZƏRTAC-ın xarici informasiya agentliklərindən aldığı xəbərə görə, 2003-cü ilin martından bəri İraqda 25 jurnalist həlak olmuşdur. Bu hüznlü siyahıya Qətərin “Əl-Cəzirə” telekanalının əməkdaşı, 40 yaşlı Rəşid Hamid Vali də əlavə olunmuşdur. O, Kərbəlada “Mehdi ordusu” ilə ABŞ qoşunları arasında toqquşma zamanı atışmanı çəkərkən həlak olmuşdur.
Bu, telekanalın İraq müharibəsi dövründə itirdiyi birinci əməkdaş deyildir. Aprelin 8-də ABŞ ordusu “Əl-Cəzirə”nin Bağdaddakı ofisini atəşə tutmuşdu. O zaman telekanalın aparıcı müxbiri Tarik Əyyub birbaşa efirə çıxmağa bir neçə dəqiqə qalmış həlak olmuşdu.
Bölmənin digər xəbərləri
