Son iki gün ərzində çaylarda suyun səviyyəsi azalmışdır
Bakı, 27 iyul (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən çayların mövcud vəziyyəti araşdırılmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın Quba-Xaçmaz bölgəsi çaylarında sululuq ongünlük normanın 70-90, Kiçik Qafqazın çaylarında 95-125, Lənkəran-Astara bölgəsi çaylarında 65-195, Naxçıvan MR çaylarında isə 90 faizini təşkil etmişdir.
Müəyyən edilmişdir ki, son iki gün ərzində Kür çayının Qıraqkəsəmən məntəqəsində suyun səviyyəsi 6, Qanıx çayının Əyriçay məntəqəsində isə 12 santimetr azalmışdır.
Eyni zamanda, iyulun 27-də Kür çayının aşağı axınındakı Surra məntəqəsində suyun səviyyəsində 10, Şirvanda 5, Bankədə və Araz çayının Novruzlu məntəqəsində 12 santimetr azalma qeydə alınmışdır.
Bölmənin digər xəbərləri
