SONYA QANDİ HİNDİSTANIN BAŞ NAZİRİ VƏZİFƏSİNƏ REAL NAMİZƏDDİR

14.05.2004 [22:21]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Hindistan Milli Konqresinin (HMK-İ) rəhbərləri partiyanın sədri Sonya Qandinin yeni hökumətin başçısı olacağına şübhə etmirlər. Bunu aprelin 20-dən mayın 10-dək beş mərhələdə keçirilmiş vaxtından əvvəl ümumi seçkilərdə qəti qələbə qazanan Konqresin liderlərindən biri - Salman Xurşud mayın 14-də açıqlamışdır. Onun dediyinə görə, hazırda başqa namizədliklər heç müzakirə də olunmur.

İtalyan mənşəli 57 yaşlı Sonya Qandinin andiçmə mərasiminin mayın 17-də keçirilməsi nəzərdə tutulmuşdur. S.Xurşud demişdir ki, seçkilərdə belə inamlı qələbədən sonra partiya daxilində onun baş nazir vəzifəsini tutmasına etiraz etmək ağılsızlıq olardı.

Hazırda HMK-İ müttəfiq partiyaların nümayəndələri ilə yeni hökuməti formalaşdırmaq məsələləri barədə məsləhətləşmələr aparır.