Şri-Lankada daşqınlar 400 mindən çox insana ziyan vurub
Bakı, 29 noyabr, AZƏRTAC
Şiddətli yağışlar və daşqınlar Şri-Lankanın 24 rayonunda təxminən 402 min insana ziyan vurub.
AZƏRTAC Sinxua agentliyinə istinadla xəbər verir ki, kəskin hava şəraiti nəticəsində ölənlərin sayı 17-yə çatıb.
Ölkənin Fəlakətlərin İdarə Olunması Mərkəzinin açıqlamasına görə, təxminən 20 min sakin təxliyə edilib. Daşqınlar 64 min hektar sahədə çəltik əkinlərinə ziyan vurub.
Yerli Meteorologiya Departamentinin məlumatına görə, Şri-Lankanın əksər ərazilərində güclü yağışların davam edəcəyi gözlənilir.
Bölmənin digər xəbərləri
