“Standard Insurance” sığorta şirkətinin baş ofisinin yerləşdiyi bina satışa çıxarılır
Bakı, 27 oktyabr, AZƏRTAC
Azərbaycan Mərkəzi Bankının (AMB) idarə heyətinin qərarı ilə lisenziyası ləğv edilən ASC “Standard Insurance” sığorta şirkətinin Bakı şəhəri Ş.Bədəlbəyli küçəsi 96, AZ1014. ünvanında yerləşən baş ofisinin binası satışa çıxarılır.
Ləğv prosesində olan sığorta şirkətinin ləğvetmə komissiyasından AZƏRTAC-a bildirilib ki, şirkətin aktivlərinin bir qismi artıq hərrac vasitəsilə satışa çıxarılıb. Yaxın zamanlarda isə şirkətin baş ofisinin yerləşdiyi binanın satışa çıxarılması planlaşdırılır.
Qeyd edək ki, AMB-nin idarə heyətinin 2020-ci il 19 may tarixli müvafiq qərarı ilə “Standard Insurance” sığorta şirkətinin sığorta fəaliyyəti üzrə lisenziyası ləğv edilib və məhkəmənin müflis olma ilə əlaqədar verdiyi qərar sentyabrın 14-də qüvvəyə minib.
Bölmənin digər xəbərləri
