“Sumqayıt” futbol klubu baş məşqçi Ayxan Abbasov ilə müqavilənin müddətini uzadıb
Sumqayıt, 21 iyun, Ətrabə Rzayeva, AZƏRTAC
“Sumqayıt” futbol klubu baş məşqçi Ayxan Abbasov ilə müqavilənin müddətini uzadıb.
AZƏRTAC xəbər verir ki, 38 yaşlı mütəxəssis ilə klub rəhbərliyi arasında danışıqlardan sonra müqavilənin daha bir il müddətinə uzadılması barədə razılıq əldə olunub.
A.Abbasov “Sumqayıt”ın baş məşqçisi vəzifəsinə ötən il noyabrın 14-də təyin edilib. Komanda onun rəhbərliyi ilə 2018-2019-cu il mövsümündə 29 xal toplayaraq Premyer Liqanı altıncı pillədə başa vurub. Məhz bu dövrdə “Sumqayıt” klubu tarixində ilk dəfə Azərbaycan Kubokunun finalına yüksəlib.
Bölmənin digər xəbərləri
