Sumqayıt klubunun kapitanı: Çempionata ideal bir kollektiv kimi çıxmaq istəyirik
Bakı, 26 iyul, AZƏRTAC
Biz baş tutan oyunlardan özümüz üçün yaxşı nəticələr çıxararaq çempionata ideal bir kollektiv kimi qatılmaq istəyirik.
AZƏRTAC xəbər verir ki, bu sözləri “Sumqayıt” futbol klubunun kapitanı Vüqar Mustafayev Ərzurum toplanışı ilə bağlı təəssüratlarını bölüşərkən deyib.
Klubun iyulun 17-dən Türkiyənin Ərzurum şəhərində təlim-məşq toplanışında olduğunu vurğulayan Vüqar Mustafayev əlavə edib: “Hazırlıq prosesi çox yaxşı gedir. Bir hazırlıq oyunu keçirmişik. Planımızda daha bir hazırlıq oyunu var. Komandada atmosfer yaxşıdır. Yeni transferlərimiz komandaya uyğunlaşır. İnanıram ki, onlar da bu il bizə xeyir verəcəklər”.
Bölmənin digər xəbərləri
