Tarixi abidələr və turizm obyektləri fotokadrlara köçürüləcəkdir
Bakı, 28 iyun (AZƏRTAC). Şüvəlan qəsəbə mədəniyyət evinin “Gənc turist” klubu yeni layihə hazırlamışdır.
Artıq Bakı Şəhər Mədəniyyət və Turizm İdarəsi (BŞMTİ) tərəfindən qəbul edilmiş layihə “Turizm ili” çərçivəsində tarixi abidələrə və turizm obyektlərinə foto sənəti ilə məşğul olan gənclərin səyahətlərinin təşkilini nəzərdə tutur. Məqsəd “Gənc turist” klubu üzvlərinin foto sənətinə marağını daha da artırmaq, tarixi abidələrin və turizm müəssisələrinin real surətini fotoobyektivə köçürməkdir.
BŞMTİ-dən AZƏRTAC-a bildirmişlər ki, ilin sonunadək toplanacaq fotomateriallar əsasında paytaxtımızın müvafiq qalereyasında sərgi açılacaq, jurnal və kitab nəşr olunacaqdır. Bu materiallar maraqlananlara Azərbaycanın turizm imkanları barədə fotonümunələr üzrə bilgilər verəcəkdir.
Bölmənin digər xəbərləri
