Təbriz şəhəri yaxınlığında daha bir zəlzələ baş vermişdir
Bakı, 16 avqust (AZƏRTAC). Avqustun 15-də yerli vaxtla saat 22.49-da İran İslam Respublikasının Təbriz şəhərindən 71 kilometr şimal-şərqdə Rixter cədvəli üzrə 5,6 bal gücündə zəlzələ baş vermişdir.
Azərbaycan Milli Elmlər Akademiyası Respublika Seysmoloji Xidmət Mərkəzindən AZƏRTAC-a bildirmişlər ki, yeraltı təkanlar ölkəmizin İranla sərhədində yerləşən rayonlarında 3-2 bal gücündə hiss olunmuşdur.
Azərbaycan Respublikasının ərazisində dağıntı və insan tələfatı yoxdur.
Bölmənin digər xəbərləri
