Bakı, 15 avqust, AZƏRTAC

Təhsil Tələbə Krediti Fonduna indiyədək 48 min 751 müraciət daxil olub. Müraciətlərdən 463-ü natamam olub. Hazırda 501 müraciət emaldadır.

Bu barədə AZƏRTAC-a Təhsil Tələbə Krediti Fondundan məlumat verilib. Müraciət edən tələbələrdən 37 min 822-nə təhsil tələbə krediti verilib. Bunlardan 12 min 937-si sosial, 24 min 885-i standart təhsil tələbə krediti kimi rəsmiləşdirilib. Ümumilikdə 9914 müraciətə imtina cavabı verilib. Habelə 51 müraciət banka göndərilib.