“Togg”un yeni modeli Türkiyə Prezidentinə təqdim olunub
İstanbul, 13 sentyabr, Günel Karatepe, AZƏRTAC
Türkiyənin ilk yerli elektrikli avtomobili “Togg”un satışa yeni çıxarılan “T10F” modeli Prezident Rəcəb Tayyib Ərdoğana təhvil verilib.
AZƏRTAC xəbər verir ki, “Togg” İdarə Heyətinin üzvləri elektromobili Prezident Ərdoğana İstanbuldakı Dolmabağçadakı İş Ofisində təqdim ediblər.
Prezident Ərdoğan avtomobili test üçün sürəndən sonra nəqliyyat vasitəsi barədə məlumat alıb.
Qeyd edək ki, bu, “Togg”un ilk sedan modelidir. Avtomobilin ilkin sifarişlərinin qəbulu Türkiyədə sentyabrın 15-də, Almaniyada isə sentyabrın 29-da başlayacaq.
Bölmənin digər xəbərləri
