Tovuzda gizli nişan mərasimi etmək istəyən şəxslər saxlanılıblar
Bakı, 12 mart, AZƏRTAC
Tovuz rayonunda gizli nişan mərasimi etmək istəyən şəxslər saxlanılıblar.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, Tovuz Rayon Polis Şöbəsinə rayonun Bozalqanlı kəndində nişan mərasiminin keçirilməsi barədə məlumat daxil olub. Polis əməkdaşları dərhal həmin ünvana gələrək mərasimi dayandırıblar.
Rayon polis şöbəsinə gətirilən mərasim iştirakçıları ilə izahedici-profilaktik söhbətlər aparılıb, onlara karantin rejiminin qaydaları barədə məlumat verilib. İştirakçılardan 9 nəfər İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə 200 manat məbləğində cərimə edilib.
Bölmənin digər xəbərləri
