Tovuzda kartofun məhsuldarlığına iqlim şəraiti təsir edib – Reportaj
Ağstafa, 27 iyul, Ruslan Novruzoğlu, AZƏRTAC
Tovuzda kartof yığımına başlanılıb. Bu il fermerlər bol məhsul gözləsələr də, sahələrdən yığım vaxtı tam əksini müşahidə edirlər. Yazda yağan yağışlar kartofda bəzi xəstəliklərə səbəb olub ki, bu da öz növbəsində məhsuldarlığı aşağı salıb.
AZƏRTAC xəbər verir ki, hazırda rayonun aran hissəsində sahələrdən kartof yığılır. Dağ kəndlərində isə bir qədər sonra yığıma başlanılacaq. Səhər tezdən başlanan və günün isti saatlarına qədər davam edən yığım prosesi texnika və əl əməyindən istifadə edilməklə aparılır. Kartof yığımına günəmuzd işçilər cəlb olunur ki, onlar da bir gün üçün 20-23 manata çalışırlar.
Fermerlər bir hektardan 50 tona qədər məhsul gözləsələr də, onların gözləntiləri əksinə olub. Belə ki, bir hektardan təxminən 25 tona qədər məhsul götürə bilirlər. Məhsuldarlığın bu cür aşağı olmasına səbəb isə yazda intensiv yağışların olması və bunun da nəticəsində bəzi xəstəliklərin müşahidə edilməsidir. “Bu il çox çətin oldu. Yağıntıların çox düşməsi ilə əlaqədar kartofda xəstəlik oldu, həm də dərmanlama işlərini görə bilmədik. Hektardan planlaşdırırdıq ki, 30-40 ton məhsul götürək, amma hazırda 20 ton məhsul əldə edirik”, - fermer İlqar Məmmədov bildirib.
Fermer Nizami Mehdiyev kartof sahəsində xəstəlik olmasa da, məhsuldarlığın çox aşağı olduğunu deyir. İstehsal olunan kartof isə xaricə ixrac olunmur, tələbata uyğun olaraq yerli bazarlara çıxarılır: “Biz bu il hektara 25 ton götürə bilsək, təsərrüfata xərclədiyimiz pulun maya dəyərini çıxarmış olarıq. Hektardan 20-22 ton götürəndə biz artıq ziyandayıq”.
Fermerlər deyir ki, kartofun bugünkü qiymətləri onları qane etmir. Belə ki, hazırda sahədən kartofun bir kiloqramını 40-45 qəpiyə satırlar. Torpaq sahibləri hər il kartofun toxumunu da yerli sortlar olmadığından xaricdən alırlar. Əkin vaxtı kartofun toxumunu 80 qəpikdən alan fermerlər, bir hektara təxminən 4 ton toxum səpiblər.
Digər fermer İlham Əliyev: “Məhsuldarlığın aşağı olmasına birinci növbədə gübrələrin baha olmağı səbəb olub. Torpağı təkrar əkirik, torpağın keyfiyyəti gedir. Ona görə müəyyən gübrələrdən güclü vermək lazımdır ki, yaxşı məhsul götürək. Minimum hektara 500-600 kiloqram “amafoz” verilməlidir. Bunun da kisəsi 80-90 manatdır”.
Tovuz Dövlət Aqrar İnkişaf Mərkəzindən isə xəstəliklər və gübrənin bahalığı ilə bağlı bildirildi ki, iqlim şəraiti ilə əlaqədar kartofun yaşıl hissəsində “yarpaq yanığı” xəstəliyi müşahidə edilib. Buna qarşı dərman preparatları mövcuddur ki, vaxtında onlardan istifadə olunmalı idi. Bəzi fermerlərin bu barədə az məlumatlı olması səbəbindən bu dərmanlardan istifadə ya az edilib, yaxud edilməyib. Buna görə də təsərrüfat sahələri mütəxəssislərlə işləməlidir ki, bu hallara qarşı effektli tədbirlər görə bilsin. İstehsalçı ölkələrdə gübrənin qiyməti baha olduğundan yerli bazarlarda da baha satılır.
Qeyd edək ki, Tovuz rayonunda bu il üçün 5 min 200 hektardan çox sahədə kartof əkilib. Hazırda yığım davam edir.
Ağstafa, 27 iyul, Ruslan Novruzoğlu, AZƏRTAC
Tovuzda kartof yığımına başlanılıb. Bu il fermerlər bol məhsul gözləsələr də, sahələrdən yığım vaxtı tam əksini müşahidə edirlər. Yazda yağan yağışlar kartofda bəzi xəstəliklərə səbəb olub ki, bu da öz növbəsində məhsuldarlığı aşağı salıb.
AZƏRTAC xəbər verir ki, hazırda rayonun aran hissəsində sahələrdən kartof yığılır. Dağ kəndlərində isə bir qədər sonra yığıma başlanılacaq. Səhər tezdən başlanan və günün isti saatlarına qədər davam edən yığım prosesi texnika və əl əməyindən istifadə edilməklə aparılır. Kartof yığımına günəmuzd işçilər cəlb olunur ki, onlar da bir gün üçün 20-23 manata çalışırlar.
Fermerlər bir hektardan 50 tona qədər məhsul gözləsələr də, onların gözləntiləri əksinə olub. Belə ki, bir hektardan təxminən 25 tona qədər məhsul götürə bilirlər. Məhsuldarlığın bu cür aşağı olmasına səbəb isə yazda intensiv yağışların olması və bunun da nəticəsində bəzi xəstəliklərin müşahidə edilməsidir. “Bu il çox çətin oldu. Yağıntıların çox düşməsi ilə əlaqədar kartofda xəstəlik oldu, həm də dərmanlama işlərini görə bilmədik. Hektardan planlaşdırırdıq ki, 30-40 ton məhsul götürək, amma hazırda 20 ton məhsul əldə edirik”, - fermer İlqar Məmmədov bildirib.
Fermer Nizami Mehdiyev kartof sahəsində xəstəlik olmasa da, məhsuldarlığın çox aşağı olduğunu deyir. İstehsal olunan kartof isə xaricə ixrac olunmur, tələbata uyğun olaraq yerli bazarlara çıxarılır: “Biz bu il hektara 25 ton götürə bilsək, təsərrüfata xərclədiyimiz pulun maya dəyərini çıxarmış olarıq. Hektardan 20-22 ton götürəndə biz artıq ziyandayıq”.
Fermerlər deyir ki, kartofun bugünkü qiymətləri onları qane etmir. Belə ki, hazırda sahədən kartofun bir kiloqramını 40-45 qəpiyə satırlar. Torpaq sahibləri hər il kartofun toxumunu da yerli sortlar olmadığından xaricdən alırlar. Əkin vaxtı kartofun toxumunu 80 qəpikdən alan fermerlər, bir hektara təxminən 4 ton toxum səpiblər.
Digər fermer İlham Əliyev: “Məhsuldarlığın aşağı olmasına birinci növbədə gübrələrin baha olmağı səbəb olub. Torpağı təkrar əkirik, torpağın keyfiyyəti gedir. Ona görə müəyyən gübrələrdən güclü vermək lazımdır ki, yaxşı məhsul götürək. Minimum hektara 500-600 kiloqram “amafoz” verilməlidir. Bunun da kisəsi 80-90 manatdır”.
Tovuz Dövlət Aqrar İnkişaf Mərkəzindən isə xəstəliklər və gübrənin bahalığı ilə bağlı bildirildi ki, iqlim şəraiti ilə əlaqədar kartofun yaşıl hissəsində “yarpaq yanığı” xəstəliyi müşahidə edilib. Buna qarşı dərman preparatları mövcuddur ki, vaxtında onlardan istifadə olunmalı idi. Bəzi fermerlərin bu barədə az məlumatlı olması səbəbindən bu dərmanlardan istifadə ya az edilib, yaxud edilməyib. Buna görə də təsərrüfat sahələri mütəxəssislərlə işləməlidir ki, bu hallara qarşı effektli tədbirlər görə bilsin. İstehsalçı ölkələrdə gübrənin qiyməti baha olduğundan yerli bazarlarda da baha satılır.
Qeyd edək ki, Tovuz rayonunda bu il üçün 5 min 200 hektardan çox sahədə kartof əkilib. Hazırda yığım davam edir.
Bölmənin digər xəbərləri
