Tramp Baydeni Amerika avtomobil sənayesinin çöküşündə ittiham edib
Bakı, 28 sentyabr, AZƏRTAC
ABŞ-ın sabiq prezidenti Donald Tramp Miçiqan ştatında çıxışı zamanı Birləşmiş Ştatların hazırkı dövlət başçısı Cozef Baydeni ölkədə avtomobil sənayesinin çöküşündə ittiham edib.
AZƏRTAC xəbər verir ki, Donald Trampın sözlərinə görə, Cozef Bayden administrasiyası ABŞ-dakı müəssisələri bağlayaraq avtomobilləri Çində və digər ölkələrdə istehsal etməyi planlaşdırır.
Sabiq dövlət başçısı hakimiyyətə gələcəyi təqdirdə hazırkı prezidentin elektromobillərə verdiyi mandatın fəaliyyətini dayandıracağını və ölkəyə idxal edilən avtomobillərə yüksək rüsum qoyacağını vəd edib.
Cozef Bayden 2030-cu ilədək ölkədə satılan yeni avtomobillərin yarısını elektromobillərin təşkil etməsini qarşısına məqsəd qoyub. Ekspertlər elektromobil istehsalına keçidin avtomobil sənayesində iş yerlərinin azalmasına səbəb olacağından ehtiyatlanır.
Xatırladaq ki, bir müddət öncə Prezident Cozef Bayden Miçiqana gedərək Avtomobil Sənayesi İşçiləri Birləşmiş Həmkarlar İttifaqının təşkil etdiyi aksiyaya qatılmışdı.
Bölmənin digər xəbərləri
