Tramp Vaşinqtonda ölüm cəzasını qaytarmaq istəyir
Vaşinqton, 26 avqust , AZƏRTAC
ABŞ Prezidenti Donald Tramp paytaxt Vaşinqtonda ölüm hökmünün bərpasını istəyir.
AZƏRTAC-ın məlumatına görə, dövlət başçısı kabinet iclasında bildirib ki, paytaxtda kimsə kimisə öldürərsə, bunun cəzası edam olmalıdır.
“Ölkədə buna hazır olub-olmadığımızı bilmirəm, amma bizim başqa seçimimiz yoxdur. Kimsə kimisə öldürsə, cəzası ölüm hökmüdür”,- deyə Tramp əlavə edib.
Qeyd edək ki, 2018-ci ildən Vaşinqton ştatında ölüm hökmü tətbiq edilmir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
