Trampın komandası məhkəmə xərclərini kompensasiya etmək üçün fond yaradır
Bakı, 31 iyul, AZƏRTAC
ABŞ-ın sabiq prezidenti Donald Trampın komandası onun tərəfdarlarına qarşı məhkəmə çəkişmələri nəticəsində yaranan xərcləri kompensasiya etmək üçün fond açacaq.
AZƏRTAC xəbər verir ki, bu barədə “The New York Times” nəşri məlumat yayıb.
Sabiq prezidentin seçki qərargahının nümayəndəsi Stiven Çun ABŞ Ədliyyə Nazirliyinin “Trampla əlaqəsi olan günahsız amerikalılara hücum etdiyini” bildirib. Onun sözlərinə görə, yeni fond həmin insanların məhkəmə xərclərinin ödənilməsinə kömək edəcək, onları qanunsuz təqiblərdən qoruyacaq.
“Patriot Legal Defense Fund Inc.” adlanan fonda Donald Trampın müşaviri Maykl Qlassner rəhbərlik edəcək.
Trampın komandasının 2023-cü ilin əvvəlindən bəri hüquq xidmətlərinə 40 milyon dollardan çox pul xərclədiyi bildirilir.
Bölmənin digər xəbərləri
