“Tullantıları tinglərə dəyiş” aksiyası davam edir
Bakı, 11 aprel, AZƏRTAC
Ekologiya və Təbii Sərvətlər Nazirliyi və “Megastore” marketlər şəbəkəsinin birgə təşkilatçılığı ilə “Tullantıları tinglərə dəyiş” aksiyası aprelin 12-də Bakının Sabunçu rayonunda “Megastore” supermarketin qarşısında keçiriləcək.
Nazirliyin mətbuat xidmətindən AZƏRTAC-a verilən məlumata görə, aksiya zamanı vətəndaşlar minimum 5 litr tutumu olan şüşə tullantı və ya 10 işlənmiş batareya təhvil verərək əvəzində ağac tingləri əldə edə biləcəklər.
Qurum hər kəsi aksiyada fəal iştirak etməyə, ağac əkərək təbiətə töhfə verməyə, eyni zamanda, tullantıların təkrar emalına dəstək olmağa çağırır.
Qeyd edək ki, aksiya Bakıxanov qəsəbəsi, Muxtar Fətəliyev küçəsi, 1001 ünvanında yerləşən “Megastore” supermarketin qarşısında saat 15:00-da keçiriləcək.
Bölmənin digər xəbərləri
