“Tumurcuq” aksiyasında meşə ağaclarına peyvənd calağı vurulub
Bakı, 27 avqust, AZƏRTAC
Oğuz rayonunun Xaçmaz kəndinin meşə ərazisində ağaclara peyvənd calaqların vurulması məqsədilə “Tumurcuq” aksiyası keçirilib.
Ekologiya və Təbii Sərvətlər Nazirliyinin (ETSN) mətbuat xidmətindən AZƏRTAC-a bildiriblər ki, nazirlik nümayəndələri kənd sakini İlkin Lətifovun təşəbbüsü ilə keçirilən aksiyanı yüksək qiymətləndirərək tədbirdə iştirak ediblər.
ETSN-in səlahiyyətli şəxslərinin, Oğuz Rayon İcra Hakimiyyəti rəsmilərinin və ictimaiyyət nümayəndələrinin iştirak etdiyi tədbirdə bu cür aksiyaların digər rayon və kəndlərdə də davam etdirilməsinin vacibliyi və əhəmiyyəti, ekoloji cəhətdən uğurlu bir iş olduğu vurğulanıb.
Aksiya çərçivəsində yeddi növ alma, beş növ armud və dörd növ alça olmaqla çoxlu sayda meşə ağacına peyvənd calağı vurulub.
Bölmənin digər xəbərləri
