Turizm Azərbaycanın iqtisadi siyasətinin əsas prioritetlərindəndir
Lənkəran, 17 iyul (AZƏRTAC). Turizm dünya iqtisadiyyatının aparıcı sahələrindəndir. Bu gün həmin sahə Azərbaycanın iqtisadi siyasətinin əsas prioritetlərindəndir.
Bu sözləri “Jurnalistlərin 2011-ci il Lənkəran turu” çərçivəsində Turizmə Dəstək Gənclər Koalisiyasnın rəhbəri Ramız Alıyev AZƏRTAC-a bildirmişdir. Prezident İlham Əliyevin təşəbbüsü ilə 2011-ci ilin ölkəmizdə “Turizm ili” elan olunması Azərbaycanda bu sektorun inkişafı baxımından əhəmiyyətli addımdır. Bölgənin turizm imkanlarının öyrənilməsində və təbliğində, yerli və xarici turistlərin cəlb edilməsində belə turların əhəmiyyəti böyükdür. Bu cür tədbirlər müntəzəm keçiriləcəkdir.
Məqsədimiz Azərbaycanda turizmin inkişafına dəstək vermək, bu sahənin inkişafının təmin olunmasında KİV-lərin əlaqələrindən və gücündən istifadə etməkdir.
Bölmənin digər xəbərləri
