“Turizm, hotel və restoran” jurnalı ictimaiyyətə təqdim edilmişdir
Bakı, 1 iyul (AZƏRTAC). Azərbaycanda yeni nəşr edilən “Turizm, hotel və restoran” jurnalının təqdimat mərasimi keçirilmişdir.
Mədəniyyət və Turizm Nazirliyindən AZƏRTAC-a bildirmişlər ki tədbirdə çıxış edən jurnalın təsisçisi Tariyel Salahov Azərbaycanın turizm sektorunda baş verən yeniliklərin jurnalın səhifələrində öz əksini tapacağını bildirmişdir.
Qeyd edilmişdir ki, jurnaldan aşpazlıqdan tutmuş hotel və restoranlarda turistlərə təqdim edilən xidmətlərə qədər mövcud istiqamətlərdə istənilən məlumatları əldə etmək mümkün olacaqdır.
Burada, həmçinin 2012-ci ildə Azərbaycanda keçiriləcək “Eurovision” musiqi yarışması haqqında mütəmadi yazılar dərc ediləcəkdir.
Tədbirdə Bakıda fəaliyyət göstərən bəzi restoranlar təqdim etdikləri yeməklərin keyfiyyətinə və çeşidinə görə müxtəlif nominasiyalar üzrə mükafatlandırılmışlar.
Nəfis şəkildə tərtib olunmuş jurnalın hər ay işıq üzü görməsi nəzərdə tutulmuşdur.
Bölmənin digər xəbərləri
