Turizm obyektlərində çalışan məsul işçilərin bu sahə üzrə ali təhsilli olması vacibdir
Bakı, 18 iyul (AZƏRTAC). Ötən il Azərbaycana gələn əcnəbilər, təxmini hesablamalara görə, 1 milyard 500 milyon manat vəsait xərcləmişlər. Bu, sırf turizm xidmətlərinə görə büdcəyə daxil olan vəsaitdir.
AZƏRTAC xəbər verir ki, bu sözləri mədəniyyət və turizm naziri Əbülfəs Qarayev jurnalistlərə müsahibəsində demişdir. Hazırda Mədəniyyət və Turizm Nazirliyi Dövlət Statistika Komitəsi və Dünya Turizm Təşkilatı ilə birlikdə daxili turizm məhsulunun ölçülərinin sistemləşdirilməsinə dair işlər aparır. Hesab edirik ki, turizm statistikası ilin axırına kimi təkmilləşəcəkdir.
Nazir qeyd etmişdir ki, turizm şirkətlərinin, hotellərin əməkdaşlarının turizm təhsilli olmasına dair şərt də lisenziya qaydalarına daxil edilmişdir. Turizm obyektlərində çalışan məsul işçilərin bu sahə üzrə ali təhsilli olması tələb olunur. Artıq bu işə başlanılmış, müvafiq təşkilatlara tapşırıqlar verilmişdir. Bizə lisenziya üçün müraciət edən şirkətlərlə nazirlik arasında müqavilə imzalanır. Bu müqavilədə bütün şərtlər qeyd olunmuşdur.
Bölmənin digər xəbərləri
