TÜRKİYƏ AZƏRBAYCAN DƏRNƏYİ AĞRI DAĞI FƏTH ETMİŞDİR
Bakı, 12 sentyabr (AZƏRTAC). AZƏRTAC xəbər verir ki, Türkiyə Dağçılıq Federasiyasının (TDF) təşkilatçılığı ilə 80 nəfər alpinist Ağrı Dağa yürüş etmişdir. Yürüş iştirakçılarının 37-si xarici ölkələri təmsil etmişlər. Rumıniya, Bosniya-Hersoqovina, Yunanıstan, Qaradağ, Xorvatiya, Azərbaycan, İran, Makedoniya, Bolaqrıstan, Serbiya və digər ölkələrin alpinistlərinin iştirak etdiyi bu yürüşə Türkiyə Azərbaycan Dərnəyinin (TAD) üzvləri də qatılmışlar.
TAD-ın sədri Sinan Oğan demişdir ki, yeni fəaliyyətə başlamasına baxmayaraq TAD artıq bir neçə yaddaqalan tədbirlər keçirə bilmişdir. Bunların sırasında Ankarada Azərbaycan gecəsi, Keçiören Bələdiyəsi ilə birlikdə Beynəlxalq Ramazan Festivalı və s vardır. Ağrı Dağa çıxmış dərnək üzvləri Mustafa Kamal Atatürkün “Azərbaycanın sevinci sevincimiz, kədəri kədərimizdir” və Heydər Əliyevin “Biz bir millət iki dövlətik” kəlamları yazılmış lövhələri 5 min 137 metr yüksəklikdə dağın zirvəsinə bərkitmişlər.
Bölmənin digər xəbərləri
