Türkiyə ilə Yaponiya arasında texniki sahədə əməkdaşlığa dair sənəd imzalanıb
Ankara, 13 oktyabr, AZƏRTAC
Ankarada Türkiyə ilə Yaponiya hökumətləri arasında texniki sahədə əməkdaşlığa dair sənəd imzalanıb.
AZƏRTAC xəbər verir ki, imzalanma mərasimi Türkiyə Xarici İşlər naziri Mövlud Çavuşoğlunun iştirakı ilə keçirilib.
Sənədi Türkiyə XİN-in məsul əməkdaşı, səfir Namık Güner Erpul və Yaponiyanın Ankaradakı səfiri Akio Miyajima imzalayıblar.
Məlumat verilib ki, yeni sənəd TİKA (Türk Əməkdaşlıq və Əlaqələndirmə Agentliyi) ilə JICA (Yaponiyanın Beynəlxalq Əməkdaşlıq Agentliyi) arasındakı əlaqələri daha da möhkəmləndirəcək, eləcə də üçüncü ölkələrlə birgə əməkdaşlığa yeni imkanlar açacaq.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
