TÜRKİYƏDƏ BAYRAM TƏDBİRLƏRİ KEÇİRİLMİŞDİR

19.05.2004 [16:22]
Çap et
A⁺ A^-

AZƏRTAC-ın xüsusi müxbiri xəbər verir ki, mayın 19-da Türkiyənin bütün ərazisində ənənəvi 19 May - Atatürkü anma, gənclik və idman bayramı keçirilmişdir. 1919-cu il mayın 19-da Türkiyə Respublikasının banisi Mustafa Kamal Atatürk İstanbulda “Bandırma” gəmisinə minərək Samsun limanına gəlmiş və xarici qüvvələrin işğalındakı, dağılmaq və parçalanmaq təhlükəsi altındakı Anadoluda azadlıq və müstəqillik uğrunda tarixi mübarizənin təməlini qoymuşdur. Bu mübarizə uğurla aparılmış və dağılmaq, tamamilə məhv olmaq təhlükəsinə məruz qalan Osmanlı imperiyasının yerində Türkiyə Respublikası qurulmuşdur. O dövrdən etibarən hər il mayın 19-u Türkiyədə geniş bayram edilir.

Mayın 19-da Türkiyə Respublikasının Prezidenti Əhməd Necdət Sezər, Baş nazir Rəcəb Tayyib Ərdoğan, Silahlı Qüvvələrin baş qərargah rəisi, ordu generalı Hilmi Özkök, Ankara valisi Yəhya Gür, nazirlər kabinetinin üzvləri, deputatlar, ordunun yüksək rütbəli zabitləri, siyasi partiyaların rəhbərləri, tanınmış elm, mədəniyyət və incəsənət xadimləri Mustafa Kamal Atatürkün “Anıt qəbir” mavzoleyini ziyarət etmiş, onun məzarı önünə əklillər qoymuş, bir dəqiqəlik sükutla ulu öndərin əziz xatirəsini hörmət və ehtiramla yad etmişlər. Türkiyənin dövlət və hökümət rəhbərləri daha sonra Ankaradakı “19 May” stadionuna gəlmiş, burada gənclərin və idmançıların hazırladıqları bayram proqramına baxmışlar.

TÜRKİYƏDƏ BAYRAM TƏDBİRLƏRİ KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri