TÜRKİYƏDƏ MİLLİ AZLIQLARIN DİLLƏRİNDƏ TELERADİO VERİLİŞLƏRİ BAŞLANMIŞDIR

07.06.2004 [19:23]
Çap et
A⁺ A^-

AZƏRTAC-ın Ankaradan aldığı xəbərə görə, iyunun 7-də Türkiyədə milli azlıqların dillərində teleradio verilişləri yayımlanmağa başlamışdır. “Radio-1” radiostansiyası və TRT-3 telekanalı əslən Balkan ölkələrindən olan vətəndaşları ana dillərində “Mədəni sərvətimiz” mövzusu ilə tanış etmişdir.

Beləliklə, Türkiyə hökuməti ölkədə yaşayan milli azlıqların dillərində teleradio verilişlərinin yayımlanması barədə Avropa Birliyi qarşısında götürdüyü öhdəliyi yerinə yetirmişdir. Ankaranın bu misilsiz qərarı ölkənin AB-yə qəbul edilməsi yolunda həlledici amillərdən biri ola bilər. “Radio-1” və TRT-3 kürd, ərəb dillərində və digər dillərdə, onların dialektlərində hər gün 45 dəqiqəlik verilişlər yayımlayacaqdır.

Milli azlıqların dillərində ancaq xəbərlər, musiqi və mədəniyyət proqramları yayımlamağa icazə verilir.