TÜRKİYƏDƏ ZƏLZƏLƏ QEYDƏ ALINMIŞDIR
AZƏRTAC-ın müxbiri xəbər verir ki, mayın 16-da səhər Türkiyənin Yalova vilayətində zəlzələ qeydə alınmışdır. Yeraltı təkanlar qonşu İstanbul və Kocaeli vilayətlərində də hiss olunmuşdur. İstanbulun Kandilli seysmoloji mərkəzinin məlumatına görə, zəlzələnin gücü Rixter cədvəli ilə 4,2 bala çatmışdır. Dağıntı və tələfat yoxdur.
Türkiyə seysmoloqları bu cür zəif təkanları müsbət hal kimi qiymətləndirirlər. Belə ki, geoloji təbəqələrin sürtüşməsi nəticəsində yer altında yığılan enerji güclü zəlzələ ilə deyil, zəif təkanlarla meydana çıxır.
Bölmənin digər xəbərləri
