Türkiyənin mədəniyyət və turizm naziri Azərbaycan stendini ziyarət edib
Bakı, 9 fevral, AZƏRTAC
Türkiyənin mədəniyyət və turizm naziri Mehmet Nuri Ersoy İstanbulda keçirilən “EMİTT 2022” - Şərqi Aralıq dənizi Beynəlxalq Səyahət və Turizm Sərgisi çərçivəsində Azərbaycan milli stendini ziyarət edib. Ziyarət zamanı türkiyəli nazir Dövlət Turizm Agentliyinin və Azərbaycan Turizm Bürosunun nümayəndələri ilə görüşüb.
Dövlət Turizm Agentliyindən AZƏRTAC-a bildirilib ki, Mehmet Nuri Ersoy milli stendlə tanışlıq zamanı Azərbaycan və Türkiyə arasında turizm əlaqələrinin hazırkı inkişafını yüksək qiymətləndirib və gələcək prespektivdə bu əməkdaşlığın daha da genişləndirilməsində maraqlı olduqlarını bildirib.
Qeyd edək ki, fevralın 9-da Türkiyənin İstanbul şəhərində start götürən “EMİTT 2022” - Şərqi Aralıq dənizi Beynəlxalq Səyahət və Turizm Sərgisində Dövlət Turizm Agentliyi və Azərbaycan Turizm Bürosunun nümayəndələri təmsil olunur.
Bölmənin digər xəbərləri
