İQTİSADİYYAT
TÜRSAB-IN NÜMAYƏNDƏ HEYƏTİ BAKIDA DANIŞIQLARI DAVAM ETDİRİR
Ölkəmizdə qonaq olan Türkiyə Səyahət Agentlikləri Birliyi (TÜRSAB) nümayəndə heyətinin üzvləri ilə dekabrın 13-də Azərbaycan Turizm Sənayesinin İnkişafı İttifaqında keçirilmiş görüşdə iki dost və qardaş ölkənin turizm sahəsində əməkdaşlığın inkişaf perspektivləri ətraflı müzakirə edilmişdir. Gənclər, İdman və Turizm Nazirliyindən AZƏRTAC-a bildirmişlər ki, danışıqlar nəticəsində Azərbaycanın turizm sənayesi üçün Türkiyədə kadrlar hazırlamaq, turizmi təmsil edən nümayəndə heyətlərinin qarşılıqlı səfərlərini, turizmə dair beynəlxalq sərgilərdə hər iki ölkənin əlbir iştirakını təşkil etmək, “İpək Yolu” proqramında birgə fəaliyyət göstərmək, Bakıda turizm həvəskarları üçün rus və ingilis dillərində buraxılan “Azərbaycan Revyu” jurnalının türk dilində də nəşrinə başlamaq qərara alınmışdır.
Nümayəndə heyəti Bakının bir sıra özəl turist təşkilatlarında da danışıqlar aparmışdır.
Bölmənin digər xəbərləri
