TURSAB-IN NÜMAYƏNDƏ HEYƏTİ BAKIYA GƏLMİŞDİR
Türkiyə Səyahət Agentlikləri Birliyinin (TURSAB) nümayəndə heyəti Bakıya gəlmişdir.
Azərbaycan Gənclər, İdman və Turizm Nazirliyindən AZƏRTAC-a bildirmişlər ki, nümayəndə heyətinə Türkiyənin məşhur turizm təşkilatlarının - “Delta” və “Ulusoy” turizm və səyahət agentliklərinin, Turizm Nazirliyinin, Türkiyə Turizm Agentlikləri Vəqfi İdarə Heyətinin təmsilçiləri daxildir.
Türkiyəli qonaqlar üç gün respublikamızda olacaq, Gənclər, İdman və Turizm, İqtisadi İnkişaf, Vergilər nazirliklərində, Azərbaycan Turizm Sənayesinin İnkişafı İttifaqında, bir sıra tanınmış özəl turizm şirkətlərində görüşlər keçirəcək, danışıqlar aparacaq, müqavilələr imzalayacaqlar.
Qonaqlar həmçinin respublikamızın turizm obyektlərinə baxacaq, əcnəbi turistlər üçün ölkəmizdə yaradılmış şəraitlə, habelə Bakının və Abşeronun tarix və mədəniyyət abidələri ilə tanış olacaqlar.
Bölmənin digər xəbərləri
