TÜSİAB-DA İSTANBUL TİCARƏT ODASININ NÜMAYƏNDƏLƏRİ İLƏ GÖRÜŞ KEÇİRİLMİŞDİR

10.10.2006 [16:21]
Çap et
A⁺ A^-

AZƏRTAC xəbər verir ki, oktyabrın 10-da TÜSİAB cəmiyyətində İstanbul Ticarət Odasının (İTO) nümayəndə heyəti ilə görüş keçirilmişdir.

Respublikamızda fəaliyyət göstərən türk iş adamlarını ətrafında birləşdirən TÜSİAB-ın idarə heyətinin sədri Bataçar Baysal Azərbaycan-Türkiyə iqtisadi əlaqələri və türk iş adamlarının Azərbaycandakı fəaliyyətinə dair ətraflı məlumat vermiş, onlara dövlət səviyyəsində göstərilən diqqət və qayğıdan danışmışdır.

İTO nümayəndə heyətinin rəhbəri Şaban Dişli bildirmişdir ki, səfərdən məqsəd Azərbaycandakı sərmayə mühitinin və buradakı türk iş adamlarının fəaliyyətinin əsas istiqmətlərini öyrənməkdir.

Qeyd olunmuşdur ki, son zamanlar Azərbaycan iqtisadiyyatının sürətlə inkişafı və sərmayə qoyuluşu üçün yaradılan münbit şərait xarici iş adamlarının ölkəmizə marağını daha da artırmışdır.

Sonda qonaqlara xatirə hədiyyəsi təqdim olunmuşdur.