Üç gün əvvəl itkin düşən Zaqatala sakini tapılıb
Zaqatala, 11 dekabr, Rasim İslamoğlu, AZƏRTAC
Dekabrın 8-də evdən gedən Zaqatala sakini ötən gün polis əməkdaşları tərəfindən tapılıb.
Bu barədə AZƏRTAC-ın bölgə müxbirinə Daxili İşlər Nazirliyi mətbuat xidmətinin Şəki regional qrupundan məlumat verilib.
Ailəsi və yaxınları 39 yaşlı Akif Mehdiyevi axtarıb tapa bilmədiyindən ötən gün Zaqatala Rayon Polis Şöbəsinə müraciət edib. Həyata keçirilən təbirlərlə Akif Mehdiyevin Balakən rayonu ərazisində olduğu aşkarlanıb.
Qeyd edək ki, Akif Mehdiyevin əqli zəifliyi olduğundan evdən gedən zaman ailəsinin xəbəri olmayıb. O, axşam radələrində Balakəndən gətirilərək ailəsinə təhvil verilib.
Bölmənin digər xəbərləri
