Ukraynada koronavirusla bağlı karantinin müddəti ilin sonuna qədər uzadılıb
Kiyev, 14 oktyabr, AZƏRTAC
Ukrayna Nazirlər Kabinetinin iclasında ölkədə karantin müddətinin dekabrın 31-dək uzadılması barədə qərar qəbul edilib.
AZƏRTAC xəbər verir ki, bu barədə Ukraynanın Baş Naziri Denis Şmıqal hökumətin iclasında bildirib.
Baş Nazir bəyan edib ki, karantin müddətinin uzadılmasına səbəb koronavirusa yoluxma hallarının kəskin artmasıdır. Onun sözlərinə görə, bu müddətdə karantinin şərtləri də sərtləşdiriləcək.
Son statistik məlumata görə, Ukraynada koronavirusa yoluxanların sayı 270 min 587 nəfərə çatıb. Bu infeksiyadan ölənlərin ümumi sayı 5122 nəfərdir, 120 min 562 min xəstə isə sağalaraq evə buraxılıb. Sutkalık koronavirusa yoluxma halları 5-6 min civarında dəyişir.
Qeyd edək ki, Ukraynada koronavirusla bağlı vəziyyət pisləşdiyindən karantin müddəti noyabra qədər uzadılmışdı.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
